Sunday, October 9, 2011

arunima

suraj ki laalima ho tum
pehli kiran ki grishma ho tum,
nai subah ka pehla anubhav ho tum
chanchal ho, meri pyaari arunima ho tum

aasha ka ek roop ho tum
aatmvishwaas ki sunheri dhoop ho tum,
ek choti si kavita ho tum
sheetal ho, meri pyaari arunima ho tum

nitya subah jagati ho
sapno mein nahin roz jeevan mein aati ho,
bhavishya aur vartmaan ho tum
nirmal ho, meri pyaari arunima ho tum