Friday, July 15, 2011

kut kut

Mere gaaon ke ek ped ki 
ek daal pe ek gilheri rehti hai,
jisko meri behna, badey pyaar se 
kut kut raani kehti hai,


Roz subah saveere jaatey school
wo usko mungfali ke daaney deti hai,
jab chaoo se wo unko khaati aur kutarti hai
wo cheez mujhko sabse zyaada tasalli deti hai,


Gilheri hai natkhat to hogi hi
kabhi ek daal to kabhi dooji,
inhi ke beech fudakti rehti hai
mere gaaon ke ek ped ki 
ek daal pe ek gilheri rehti hai


Choti hai natkhat bhi
par parishram khoob karti hai,
lagta hai swabhimaani bhi hai
isiliye, daaney na do to khushi khushi
doojey ped jaakey apna pet bharti hai,


Hamari tarah do dost iski bhi hain
shayad unkey saath hi rehti hai,
wo bhi kam shaitaan nahi,
jo khurafaat issey akele na ho
usmey iska poora saath detin hain,


Darta hoon paas jaaney mein
jab bhi ye athkheli karti hai,
kahin darr na jaaye, kahin sehem na jaaye
bas paas rahe yahi tamanna meri rehti hai,


Mere gaaon ke Ek ped ki 
Ek daal pe Ek gilheri rehti hai

Image Courtesy : Kartik Jasti
(http://www.flickr.com/photos/kartikjasti/6482756301/)



PS: for one of my better friend! :-)

2 comments:

Shruti said...

Lovely poem 'Kut Kut'
really a beautiful creation!!super like.

bugger said...

dhanyawaad behna!! :D

Post a Comment